kong_en_ge | Нататкі фенолага

Калі палітолагі трактавалі тэрміновае прызначэнне выбараў на вясну пэўнымі панічнымі настроямі ў сонцападобнага, на гэта можна было не звяртаць асаблівай увагі, бо і галасы лічыць усё роўна не будуць, дый патэнцыйным канкурэнтам такое прызначэнне -- як цешчыны фекаліі ў каструлі з баршчом.

Аднак калі я ўбачыў раптоўнае даручэнне вывучыць мэтазгоднасць штампаў з дазволам на выезд, то натуральна адчуў подых той панікі: ўкідваць загадзя невыканальныя (па тэхнічных прычынах) абяцанні, якія ўжо не спрацуюць да выбараў -- гэта больш падобна на загінанне "Тытаніку", дзе да апошняга моманту граў аркестр, чым на традыцыйную перадвыбарную раздачу пернікаў.

Спадарства: што ж гэта ў лесе падохла вялікае і напоўніла ўсё сваім водарам?

P.S. Тост. Каб у надыходзячым годзе мы ўжо адзначылі дзень незалежнасці не ў дзень вяртання савецкай акупацыі.

Нататкі фенолага

no subject

no subject

no subject

(no subject)