Старажытныя беларускія ма(л)пы

DWORD секунд -- гэта крыху больш за 126 гадоў. Спадзяюся, цяпер усім зразумела, якой фундаментальнай велічынёй абмежаваны чалавечы век.

Вясновая акцыя ДАІ: ў кіроўцаў з дзецьмі правяраць наяўнасць гандонаў у аптэчцы, а ў астатніх пры наяўнасці канфіскоўваць.

Лінія Сраліна -- Сралія Леніна

Калегі па працы нечакана прадэманстравалі глыбокія правалы ўласнага вакабуляра, вылупіўшы вочы на слова "пракрастынацыя". І ніяк не маглі яго запомніць, хоць і займаюцца ёю рэгулярна. Я спрабаваў дапамагчы, падказаўшы, што яно нечым падобнае на "праміскуітэт". Але гэта толькі прывяло да таго, што ў выпадках, калі яны ўспаміналі якое з двух словаў, гэта было як раз іншае.

Ну, а сёння я даведаўся, што цяжкасці выклікае і слова "эпігон".

Ну і навошта тады так жыць?!

... некалі беларусы жылі ад мора да мора, ад халеры да гішпанкі і наадварот...

Адзіны дзень у годзе, калі адмаўляюцца працаваць могілкавыя супрацоўнікі. Ні ў зямлю зарыць, ні каля пячы ў крэматорыі пагрэцца.

Пачалі параўноўваць магутнасць мностваў дахуя і дахуя папалам, а ў выніку скаціліся да жартаў пра трансфінітныя чысла. Палова прысутных рабіла выгляд, што разумее, пра што гаворка, а астатнія прасілі не лаяцца і хуценька гарталі вікіпедыю.

Паехалі ў Ому, у гэтую пародыю на Senukai, каб набыць кавун...