Наконт выкарыстання падатковай звестак з еўраёпту ў мэтах вызначэння расходаў правяраемых асобаў могуць мець месца розныя гіпотэзы і тлумачэнні, але я бачу той факт, што пад розныя заманухі сельпо зараз выдурвае з пакупнікоў пацверджанне ўстановачных звестак.
Нават рэкламную гульню замуцілі, у якую не пусцяць з карткай, па якой у іх няма персанальных звестак пра ўласніка. І вытрымку па пакупках таксама не даюць у анлайне. Хоць яшчэ з пяцігодку таму давалі, і звесткі з папяровай анкеты там былі.
А гэта што можа нам сказаць: што старую базу персанальных звестак выкарыстоўваць болей стала немагчыма (у нашым свеце IT-рашэнняў эканом-класы гэта не навіна), а радзімка тым не меней цісне ў жаданні падбіць памер шыкоўнага жыцця ў цэнтральнай сядзібе калгасу.
З якой нечаканай ананімнасцю ўсіх датычных і віншую.

P.S. Мытню нагадала, якая год таму спачатку выбрала дзіўную дату для ўліка паўторнага ўвозу асобных групаў тавараў (пасярэдзіне месяца), бо раней трэба было б карыстацца двумя базамі, а пазней -- кіраўніцтва вельмі ж ужо ціснула на арэхі. А пасля зрабіла намаганне над сабою і даравала тое, што ўлічыць належна па абяцаным аказалася амаль немагчымым за разумны кошт :)

ЕЦБ плануе спыніць выпуск такіх зручных у абарачэнні 500-еўравых банкнотаў (зараз у іх абарачаецца каля траціны наяўных еўраў). З улікам таго, што наўрад ці будуць уводзіць абмежаванні на тэрміны абмену, а будуць вымаць натуральным чынам, ці не вырасце намінальная каштоўнасць носьбіта на шэрым рынку?
Можа, мае сэнс укласціся? :)

Сутыкненне з памежным вахцёрствам часцяком нагадвае мне анекдот пра сустрэчу двух гэбістаў ў трамваі, дзе ў сярэдзіне была загадка:
-- А ці ведаеце, якая розніца між вамі і трамваем?
-- ?
-- Трамвай пойдзе далей, а вы пройдзеце са мною.

Дык вось, у нашым выпадку гэта: я-та ў выніку паеду далей, а ты так і застанешся вартаваць сваю будку.

Не варта разлічваць на якое раптоўнае абуджэнне пачуцця ўласнай годнасці ў насельніцтва, якое з ухваленнем праглынула ўвядзенне абавязковай школьнай формы ўблюдачных фасонаў. Была шляхта некалі -- ды ўся ў сінтэтыку апранулася.

У лахатронах не ўдзельнічаю, але ёсць выпадкі, калі можна зрабіць выключэнне:

Права стрэліць з электрашокера ў мэра амерыканскага мястэчка разыграюць у латарэю

Нават на галоўных могілках краіны столькі закінутых участкаў, што застаецца толькі здзіўляцца адсутнасці масавага захопу праз папярэдняе добраўпарадкаванне. І гэта пры тым, што траціна мерцвякоў у горадзе едзе праз крэматорый, а прыкапаць урну можна без узгадненняў.

Нейкі сёння дзень парных выпадкаў. І ўсе вакол тэзісу "закон суворы, але гэта закон".
Адны глядзяць на гэта з пасіўнай пазіцыі "законы трэба выконваць", другія ж рацыянальна ставяцца актыўным чынам "выконваць не абавязкова, але трэба ўсведамляць, што адбіцца можа быць складаным".
Такім чынам прыходзім да высновы "законы трэба ведаць", а выконваць адпаведна ўласным запасе надзейнасці :)

Мітусня вакол даносаў на працадаўцу наконт заробкаў з рук у рукі базуецца на малаэфектыўнай тэхналогіі прапановы спачатку надзець на сябе пятлю, а толькі пасля паглядзець, што ж будзе. Дайце людзішкам магчымасць паведамляць пра чужыя заробкі ды ананімна, і толькі так зможаце перамагчы гэты народ. Асабліва калі за падпісаны данос дадзіце якія 10% ад даналічанага.

Калі паставіць побач са знакам "40" добра прыхаваны капкан, то ўжо праз ноч раніцай можна будзе знайсці ў ім свежага дарожнага мянта.

Штось даўно я не чуў выступаў калядзяржаўнай свалаты наконт сацыяльнай адказнасці бізнэсу. Тэма не ўзляцела?