kong_en_ge | (no subject)

Тую частку свайго ўдзела ў Другой Сусветнай, пра якую нагадваюць сёння, саветы назвалі ўз'яднаннем народаў. Праўда, чамусці, уз'яднанне было нейкім аднабаковым, без прыцягнення тэрыторый вакол Бранска са Смаленскам (спадары салаеды дададуць за сабе, калі пажадаюць). Дый нават кавалкі з заходняга накірунку пасля вырашылі вернуць у іншыя рукі. Што лішні раз паказвае, якога сапраўды меркавання пра дзяржаўнасць рэспублік прытрымлівалісь саветы, нягледзячы на дэкаратыўнае ўключэнне асобных сатэлітаў у склад заснавальнікаў ААН.

Калі акупацыя пачынае падавацца незваротнай, новыя гаспадары спыняюць аглядацца на фактар "прыйдзецца вяртаць", і сяк-так пачынаюць наладжваць інфраструктуру з мэтай уцягнення занятай тэрыторыі ў стабільнае абарачэнне: дарогі прыводзяць у парадак, адчыняюць школы, альбо прыструняюць лясны бандытызм як альтэрнатыў цэнтр прыняцця рашэнняў.

Таму як ні круці, а на тэзіс "кожная яго добрая справа -- гэта толькі няўдалая подласць" не варта забывацца, калі спрабуюць размаўляць за саўковую прагрэсіўную ролю.