Kong En Ge

Небуйная кантора функцыявала з 1992 па 2004 год (ліквідацыю скончылі 1 красавіка, калі што), а вось чарнавікоў з былых дакументаў і на сённяшні дзень яшчэ засталося дзве каробкі. Зараз карыстаюся падатковымі дэкларацыямі за 99 год.
І гэта пры тым, што нешта здавалася ў архіў (ну, там зусім фігня), а значная частка спалілася ў печцы на лецішчы амаль адразу, каб ніколі болей на не тыя вочы не патрапіць.

Старасць набліжаецца: сну патрабуецца ўсе меней. Раней пасля начнога пераезду за стырном яшчэ адхадзіць поўны дзень не выйшла б, а зараз ужо нічога так, яшчэ і пачытаць перад сном можна :-)

Сёння з жонкаю наведвалі мэблевую краму, і там пабачылі невыразіма прыўкраснае, пасля чаго я загадаў жонцы так на выпадак чаго:

1) Вось у гэтае мяне рассыпеш:
( Read more... )

2) А гэта паставіш зверху:
( Read more... )

Ну што, у нас тут усё зусім не так дрэнна. Агульнаключавыя пункты ўсе з галкамі: дрэвы, дзеці, домікі :)
Другая палова жыцця настае з усімі сваімі зубамі (хаця б у карэннях), нягледзячы на 16 год пад саўковай карнай стаматалогіяй, і пад тым-сім валоссем на галаве, нягледзячы не генетыку з кліматам.
Натхнёнага шыла ў задніцы ўсё яшчэ хапае на тое, каб чым захапіцца на палову ночы, але ўжо не лезці ў дурныя прыгоды.
Метабалізм ужо не той, але затое усе хваробы ўсё яшчэ праходзяць максімум за тыдзень.
Сапраўдны залаты век надышоў, ці не так? Паўстагоддзе, напэўна, будзе не такім ужо аптымістычным.

Пяць гадоў таму было не шкада ўкінуць колькі грошай у замежную кватэру, бо гэта ж такая забава за такую дробязь.
Гэтым годам вырашыў пагуляцца ў накапляльнае страхаванне: па эфектыўнасці аналагічна дэпазітам, але дадаткова вяртаецца ПДВ падаходны падатак.

Здаў кватэру і з палёгкай адключыў кантактны тэлефон, заведзены пад гэтае пытанне.

Калі бачыш бацькоў, якія выгульваюць аднаго дзіцёнка, то падсвядома першае пытанне лезе ў галаву: а куды яны другога падзелі?

Нешта ўжо і ў шаснаццацірычным выглядзе атрымоўваецца зашмат...

Дарэчы, ідэя ж неблагая: на абавязкі, звязаныя з вылічальнай тэхнікай, прызываць у войска па 0x27 год.

Нядаўна ў спісе цэтлікаў шукаў слова "цемрашальства" спачатку ў спісе на літару "м".