kong_en_ge | (no subject)

Каб адчуць глыбіню інвестыцыйна прывабнай дзіркі пад назваю БССР, дастаткова пагартаць штотыднёвы часопіс "Галоўны ~~бутлегер~~ бугалтар". Амаль кожны нумар змяшчае рубрыку, дзе тры-чатыры мазгаёба ад розных ведамстваў, а таксама прыцягнутыя бугалтары з юрыстамі абсмокваюць чарговае пытанне, якое не каштуе выядзенага яйка.
Гадоў 5 таму жыва абмяркоўвалі, ці з'яўляецца парушэннем (і падставаю для санкцыі у памеры 10%) пастаноўка штампаў унутранага дакументаабароту на палях паступіўшых накладных. На той момант, калі не памыляюся, ідыёты ад каманд мінфіна, мінэканомікі і падаткавікоў паказалі тры розных кропкі погляду на пытанне.
Квартал таму тэмаю дня было "ці можна набываць замежнае піва ў кегах пад мытнаю ўмоваю вяртання вытворцы тары, і даваць гэтае піва на рэалізацыю ў жральні". Мытня-практычная сказала, што нельга, мытня-тэарэтычная сказала, што магчыма, дзяржкантроль сказаў, што звычайна з гэтага палкі рубіць не ён, а мытня (хоць і сам не супраць).
Памятайце: афіцыйны адказ мала што значыць; запытвайцеся з 3-4 крыніц, і тады, магчыма, пэўны сэнс з'явіцца; а лепей не гуляйце ў бізнес у БССР, пакуль не набудзеце хаця б падатковую.